ऐकू कमी येतं?

ऐकू कमी येणाऱ्या आजोबांचं किंवा आजींची व्यथा खरं तर खूप मोठी, पण इतरांना पटकन न जाणवणारी! घरात जेवताना सुरू असलेल्या गप्पा असोत





तुम्हाला स्पष्ट ऐकू येत नाहीये ?, लक्ष देऊन ऐकावे लागते ?, ऐकू येऊन सुद्धा लक्षात येत नाहीये ? तर मग तुम्हाला श्रवणऱ्हासाची समस्या आहे. याकडे गांभीर्याने पहा अन्यथा भविष्यात अनेक समस्यांना सामोरे जावे लागू शकते,

ज्याप्रमाणे सायकल असो कि, दुचाकी, चारचाकी गाडी असो गाडीची सर्व्हिसिंग करणे हे अत्यावश्यकच आहे. त्याप्रमाणे शरीरातील कान, नाक, डोळे अशा संवेदनशील आणि महत्वाच्या अवयवांची नियमित तपासणी करणे गरजेचे आहे.कोणत्याही कारणामुळे कमी ऐकू येत असेल तर तज्ज्ञांकडून वेळेत श्रवण क्षमता चाचणी करून घेतली पाहिजे. ज्यांना कमी ऐकू येते त्यांनी आवश्यकतेनुसार श्रवणयंत्र बसवून घेतले तर त्यांचे पुढील आयुष्य नक्की सुखकर होऊ शकते. अनेकदा महाग म्हणजे वाईट असा समज असतो. हा समज दूर सारून काहीशी जास्त रक्कम द्यावी लागली तरी ती देऊन चांगल्या दर्जाचे श्रवण यंत्र बसवून घेणे अपरिहार्य ठरते,

चांगल्या श्रवणावर मनुष्याच्या मेंदूचा विकास ठरत असतो. लहान मुले जितके चांगले ऐकू शकतात, तितका त्यांचा विकास वाढीव चांगला होतो. एका सर्व्हेक्षणानुसार चांगले श्रवण करणारे बाळ एका वर्षात सुमारे ६० लाख शब्द ऐकू शकते. एका दिवसात १६ हजार ४३८ तर एका तासात एक हजार ३७० शब्द ऐकू शकते. त्याच्या श्रवण क्षमतेनुसार वाचा व भाषेचा विकासाच्या प्रवासाची गती निश्चित होते. मेंदूचा विकासच श्रवण क्षमतेवर अवलंबून असल्याने मनुष्याच्या शैक्षणिक, सामाजिक, बौद्धिक आणि शारीरिक विकासाच्या प्रक्रियेत ऐकू येण्याची क्षमता मैलाचा दगड ठरते,

 


गेल्या काही वर्षात अत्यंत वेगाने वाढणाऱ्या ध्वनी प्रदूषणाच्या विळख्यात समाज कळत न कळतपणे सापडत चालला आहे. याचा थेट परिणाम जन्माला येणाऱ्या बाळाच्या श्रवण क्षमतेवर होताना दिसून येत आहे. जन्मतः च कमी ऐकू येण्याची क्षमता असणाऱ्या बालकांचे प्रमाण वाढत आहे. मात्र यातील काही समस्यांवर उपाय निश्चितच आहेत. जन्मानंतरच्या पहिल्या महिन्यातच बाळाची ऐकण्याची तपासणी आणि तिसऱ्या महिन्याच्या आत श्रवण क्षमता चाचणी करणे गरजेचे आहे. यावेळी दुर्दैवाने दोष आढळल्यास सहा महिन्यांच्या आत उपचार सुरू करणे क्रमप्राप्त ठरते. वेळेत तपासणी आणि उपचार केले तर बाळाच्या भविष्यात वाचा आणि भाषा विकासातील दरी पडणार नाही.मनुष्याचे व्यक्तिमत्व चांगले घडायचे असेल तर चांगले ऐकता आले पाहिजे. त्यासाठी लहान बाळांपासून वयोवृद्ध असणाऱ्या सर्व वयोगटांतील व्यक्तींची श्रवण क्षमता किमान त्यांच्या वयोगटाला आवश्यक इतकी असलीच पाहिजे. नैतिक मूल्यांची जडणघडण आणि बीजारोपण चांगल्या श्रवणातूनच होते हि बाब प्रत्येकानेच लक्षात घ्यायला हवी. त्यासाठी ऐकू कमी येण्याच्या समस्येकडे दुर्लक्ष न करता त्याकडे गंभीरपणे पाहण्याची आवश्यकता आहे

कोरोनाच्या नव्या प्रकारामुळे डोळे होतायत खराब, ऐकण्याच्या क्षमतेवरही परिणाम! ऑडिओलॉजिस्ट तज्ज्ञ काय म्हणतात…

कोरोना विषाणूच्या (Corona Virus) वाढत्या संसर्गामुळे देशभरात कहर माजला आहे. गेल्या 24 तासांत देशभरात कोरोनाचे सुमारे 2 लाख नवीन रुग्ण आढळले आहेत. 2020च्या तुलनेत 2021मध्ये कोरोनाची लाट अधिक उग्र रूप धारण करून आली आहे. कोरोनाची प्रकरणे झपाट्याने वाढत आहेत. तर, दुसरीकडे या विषाणूला बळी पडणाऱ्यांची संख्या देखील वाढत आहे (New Strain of corona affecting on eyes and ears).

 

कोरोना विषाणूची नवीन लक्षणे

डॉक्टरांच्या म्हणण्यानुसार, या वेळी कोरोना विषाणूचा संसर्ग कान आणि डोळ्यांच्या क्षमतेवर थेट हल्ला करत आहे. कोरोना व्हायरसचा नवीन प्रकारात या वेळी विषाणूजन्य ताप, ओटीपोटात वेदना, अतिसार, अपचन, गॅस, उलट्या, अतिसार, भूक न लागणे, शरीरदुखी आणि आम्लपित्त अशी लक्षणे दिसली. परंतु, संसर्ग वाढल्यानंतर कोरोनाची आणखी काही नवी लक्षणेही समोर आली आहेत.

कोरोनाच्या नवीन प्रकाराबाबत तज्ज्ञ काय म्हणतात?

हे लक्षात घेण्यासारखे आहे की, एसजीपीजीआय आणि केजीएमयूसह बर्‍याच कोव्हिड हॉस्पिटलमध्ये, कोरोनामुळे दाखल झालेल्या रूग्णांमध्ये पाहण्याची आणि ऐकण्याची समस्या वाढली आहे. डॉक्टरांचे म्हणणे आहे की, येथे असे बरेच रुग्ण आहेत, ज्यांना दोन्ही कानांनी ऐकणे कमी झाले आहेत. याशिवाय कमी दिसत नसल्याच्या तक्रारीही आल्या आहेत. तज्ज्ञांचे म्हणणे आहे की, जेव्हा गंभीर परिस्थिती उद्भवते तेव्हा कोरोना विषाणू शरीराच्या अनेक भागांवर परिणाम करतो.

 

कोरोनाच्या नवीन प्रकारासंबंधित दिलासादायक काय?

तज्ज्ञ पुढे म्हणाले की, कोरोनाने ज्या प्रकारे आपले स्वरूप बदलले आहे, त्यानंतर चिंता अधिकच वाढली आहे. यावर कोरोनाच्या प्रोटोकॉलचे अनुसरण करणे हा एकच उपाय आहे. तथापि, नवीन प्रकारात दिलासादायक बाब म्हणजे कोरोनाचा हा नवीन प्रकार प्रतिकारशक्ती चांगली असलेल्या रुग्णाला जास्त काळ त्रास देत नाही. असे रुग्ण 5-6 दिवसात बरे होतात (New Strain of corona affecting on eyes and ears).

 




लखनऊ येथील आरएमएल हॉस्पिटलमधील मेडिसिन विभागाचे प्रमुख डॉ. विक्रम सिंह म्हणाले की, कोरोना विषाणूच्या या नव्या प्रकारामुळे लोक आजारी पडत आहे. रुग्ण उलट्या, अतिसार, गॅस, अपचन, आम्लपित्त, शरीरावर वेदना, शरीरात जडपणा येणे आणि ऐकण्याच्या समस्येने ग्रस्त आहेत.

1 मिनिटात संसर्ग

एनबीटीच्या रिपोर्टनुसार, दिल्लीतील प्रसिद्ध डॉक्टरांनी संसर्गाबाबतची माहिती दिली. त्यांच्या मते कोरोनाचा सध्याचा व्हायरस प्रचंड वेगाने पसरत आहे. रुग्णाच्या संपर्कात येतच अल्पावधित म्हणजे केवळ 1 मिनिटात तो दुसऱ्याला बाधित करतो.

मागील वर्षी जी कोरोनाची लाट होती, त्यावेळी असा प्रकार नव्हता. मात्र यावेळी जी लाट आलेली आहे ती अत्यंत धोकादायक आणि शक्तीशाली आहे. पहिल्या लाटेत कोरोना रुग्णांच्या संपर्कात आल्यानंतर संसर्ग होण्यासाठी किमान 10 मिनिटे लागत होते. मात्र यावेळच्या लाटेत हा अवधी घसरुन 1 मिनिटावर आला आहे. महत्त्वाचं म्हणजे 30 ते 40 या वयोगटातील तरुणांना सर्वाधिक संसर्ग होत आहे. त्याचं कारणही साहजिक आहे, ते म्हणजे हाच वर्ग सर्वाधिक घराबाहेर असतो.

संपूर्ण कुटुंबाला बाधा





जर घरातील एखाद्या व्यक्तीला कोरोना झाला, तर सध्या संपूर्ण कुटुंबाला कोरोना आपल्या कवेत घेतो. कुटुंबच्या कुटुंब कोरोना पॉझिटिव्ह येत आहे. आधी कोरोना रुग्णांना श्वास घेण्यास त्रास होत होता. मात्र आता रुग्णांना उलटी आणि जुलाब होत आहेत. इतकंच नाही तर काहींना त्वचेवर लाल चट्टेही उमटत आहेत.